ഒന്നാം രാഗം പാടി

Music: 

പെരുമ്പാവൂർ ജി രവീന്ദ്രനാഥ്

Lyricist: 

ശ്രീകുമാരൻ തമ്പി

Singer: 

ജി വേണുഗോപാൽകെ എസ് ചിത്ര

Raaga: 

രീതിഗൗള

Film/album: 

തൂവാനത്തുമ്പികൾ

ഒന്നാം രാഗം പാടി ഒന്നിനെ മാത്രം തേടി

വന്നുവല്ലോ ഇന്നലെ നീ വടക്കുന്നാഥൻ‌റെ മുമ്പിൽ

പാടുവതും രാഗം നീ തേടുവതും രാഗമാ

ദേവനുമനുരാഗിയാം അമ്പലപ്രാവേ (ഒന്നാം)

ഈ പ്രദക്ഷിണവീഥികൾ ഇടറിവിണ്ട പാതകൾ

എന്നും ഹൃദയസംഗമത്തിൻ ശീവേലികൾ തൊഴുതു (ഈ)

കണ്ണുകളാലർച്ചന മൌനങ്ങളാൽ കീർത്തനം

എല്ലാമെല്ലാമറിയുന്നീ ഗോപുരവാതിൽ (ഒന്നാം)

നിൻ‌റെ നീലരജനികൾ നിദ്രയോടുമിടയവേ

ഉള്ളിലുള്ള കോവിലിലെ നടതുറന്നു കിടന്നു (നിൻ‌റെ)

അന്നുകണ്ട നീയാരോ ഇന്നുകണ്ട നീയാരോ

എല്ലാമെല്ലാം കാലത്തിൻ ഇന്ദ്രജാലങ്ങൾ (ഒന്നാം)